Tlaih Fung

Miphun a liannganter tu cu dinnak a si. (Phungthlukbia 14:34)

Saturday, July 21, 2012

2013 Hnu Mission Rian Ṭuannak

1.      Lairam Khrihfa Tuanbia

Kan Lairam cu zapi nih kan theih bantuk in American missionaries pawl rianuannak thawng in khrihfa zumhnak le Khrihfa biaknak cu Lairam ah a hung phan ve. American missionaries pawl rianuannak cu chaklei Liatlang ah a si hmasa bantukin Khrihfa zumhnak le Khrihfabu zong hi Chaklei Laitlang ah a um hmasa. Asinain Laimi kan pa le rianuan nak thawngin thlanglei laitlangzong ah Khrihfa zumhnak le Khrihfa biaknak  nih a phanh ve hna i Khrihfabu zong a hung karh ti kha kan hmuh. Thlanglei Laitlang ah a hmasabik rianuan tu hmasa hna kan pa le hna cu Matu peng ah Rev. That Dun, Mindat pengah Rev.Lung Tum, Kanpelet peng ah Rev. Ceih Kio, Paletwa peng ah Rev. Ni Hmung hna hi an si.

II. Nihin Lai mi Khrihfa umtuning

Nihin ni kan Laitlang peng kulh pakua chung um Khrihfa thazang kan zoh tikah Pathian nih Laimi hi a kan philh lo, a kan dawt ve ko ti kan hmuh khawh. Zeitintiah,chaklei Laitlang um pengkulh paruk; Hakha, Than Tlang, Falam, Tidim, Tonzang, Matupi peng hna ahcun Khrihfa hi minung 100 ah sawmkua90 reng lo kan si cang tiah kan ti ahcun kan palh rua lai lo.

Midat peng kulh chungah a tang lei bantuk in a si

a.       Khua zapi                                             187
b.      Khrihfa khua                                        114
c.       Missionary  a lutrih lomi khua               40
d.      Mission uanlio mi khua                        33
e.       Milu rel dih lak                                       44246
f.       Khrihfa dihlak                                        25272
g.      Khrihfa sirih lomi                                  18074    

Kanpetlet pengkulh chung    


a.         Khua zapi                                             114
b.      Khrihfa khua                                          44
c.       Missionary  a lutrih lomi khua                 30
d.      Mission uanlio mi khua                          40
e.       Milu rel dih lak                                     19575
f.       Khrihfa dihlak                                       10687
g.      Khrihfa sirih lomi                                   8888

Paletwa peng kulh chung

a.         Khua zapi                                            40   
b.      Khrihfa khua                                         160 hrawng
c.       Milu rel dih lak                                      91112
d.      Khrihfa dihlak                                         57379
e.       Khrihfa sirih lomi                                    33733


  
          III. 2013 Hnu Mission Kong
2013hnu missionrunṭuannk ah CACC le CACC chungtel Khrihfabu hna nih a tnglei bantuk in rian I ṭuansehlaw  a tha hnga tihka ruah. 
1.      Lairam kulh ah pumpek in uanding
2.      Lairam  leng um Asho kan nau le Gangaw peng chung Lai Buddist Kan unau hna  sinah uan ding
3.      Kawlram chung kawlmi lak aah unding

Acunglei ah kan langhter mi Thlanglei Laitlanag I Khrihfa umtuning kan zoh tikah thlanglei Lai tlang ah mission rianuan a hau rih ti fiangte in kan hmuh khawh. Missionary pawl lut in uanrih lo mi khua zong an tam. Cun an minung lurel kan zoh tik zong ah Khrihfa si rih lo mi an tampi rih. Cu hlei ah ZBC nih CCOC program a dih hnu in thlang lei lai tlang ah misson ruanuan a ngol.  CCOC a dih in a tu 2011 kar lak Buddist biaknak lei in thlang lei Laitlang ah mission rian biatakte in an uan ve tikah Khrihfa si cia mi hmenh Budist ah an cang han lai ti hi phan a um ngaingai. THil Um tu ning hi mah tin a si caah THlang  lei Lai tlangah hin mission rian kan uan tiah a phungmen in in uan si ti lo in biatak te in thazang chuah in uan a hau. Cu lawngah Buddist nih mission an uan nak  kan tei khawh lai. A phung  men I kan uan ah cun mi kan tlai kho lai lo ti ah ka ruah. Biatak te in ka ti tikah an thlarau nunnak ca long si lo in pumas  lei in an thancho khawh nakhnga fakpi in rianuanpiak ding ti kha a si ko.

IV. Zei tin Rian a uan Lai?

2013 hnu mission rianuannak hi a tanglei bantuk in sisehlaw a ha hnga maw tiah ka ruat.
1.      CACC nih kum 2012 chungah Paletwa, Kanpelet le Mindat peng chungah survey that e in tuah ding. Cu ti I tuah tikah a tanglei hna hi biatak te in zohchih le ruahchih ding an si.
a.       Khua min
b.      Khua chung um milurel
c.       Khrihfa mi lu rel
d.      Tanghra awng mi
e.       Thangriat tiang kai mi
f.       Tangli awng in a chuak mi
g.      Ngan dam lei I zohkhenhnak
h.      An khua pawng I khau hna he anhlat neih le Paletwa khuapi he a hlat neih
i.        Pengkulh chung mapsui I cu map ah an khuamin pawl langhter ding
j.        Pawcawmnak lei an rianuannak
k.      An nunphung theihtlei
l.        An holhmi holh
m.    An ca ah bawmh a herhbik mi thil
2.Mission rian aa uan tikah khua khat ah missionary pakhat chiah ti si lo in, a neih deuhmi khua li nga kha Field area pakhat  ah I chia sehlaw, cu field area pakhat ah thawngha chimtu pakhat, Sii lei zohkhenh tu pakhat le Fimnak lei cachimtu pakhat ti in missionary pathum chiah  in rianuani hna sehlaw hmual a um deuh hnga maw ti ah ka ruah.
3. Tlah dingm missionary pawl kha ha te in training pek le an mah he rianuan ning ceihhmai nak le Khua khani nak ngeih  hmasat ding. Cucu CACC hruainak in tuah ding.
4.  Missionary thlah mi khrihfa bu hna le thlahmi missionaries hna I tonnak le biaruahnak hi kum khat voikhat lengmang um sehlaw a ha tiah ka ruah. Cu ti I tonnak a um lo tik ah an herh mi zong ha te in theih khawh a um lo, an tonmi har nak zong a thei kho ti lo. Cu tikah zeitin bawmh ah a ha lai ti a thei kho ti lo.Cun ton nak le biaruahnak a um lo tik ah Khuapa khat chung lila ah Missionary pa li nga an um I cu Missionary lila kha an I hmu thiam lo tikah khuami tu kha an lung an buai ter ngaingai hna ti in thawng zong kan theih mi a um pah lengmang. Kha tiah mission rianuan mi hma a kal kho ti lo.
5. CACC hruainak in thlahmi Khrihfabu in hruaitu upa hna nih mission field ah va kal in caan hman inak le thazang peknak hi kumkhat voikhat a si lo ah kum hnih voikhat tal in tuah nakum sehlaw a ha lai tiah ka ruah. A ha bik cu Khrihmas lr kum thar caan ah va kal hnawh I Christmas le Kum thar he an sinah caan va hmanpi. Cun Laksawng thil tete zong put I laksawng peknak zong umsehlaw a ha chinchin lai ti ah ka ruah.
6. Pumsa lei in hancho nak hi mission field um mi hna ca ah special program I ngei sehlaw cu program uanchuah khawh nak ding caah thlahtu bu nih budget sui in rianuan , cun NGO dangdang pawl he contact tuah in rianuannak a  um ahcn mission rianuan mi ah hmual a tampi a ngeihter lai ti ah zumhnak ka ngei.
7. Mission field pakhat I rianuannak kum 7 a tlin tikah kha kum 7 chung rianuannak kha zohhannak  le thil sining ceihhmaiinak tuahnak umsehlaw a ha lai. Cu zong cu CACC hruainak in I tuah sisehlaw a ha lai. Kha tin zohhannak le ceihhmaiinak  a herh ahcun hmailei caan rianuannak kha tampi thazang a pek lai hmual a ngeih ter lai tiah ka ruah.
8. Hi ti I thlanglei lai tlang mission rianuannak ceihfatin te CCC le Matupi I UTC in hruai tu pawl zong I tel kho ve hna she law a tha lai. CCC le UTC ah mission field lei in sianghngak chia pawl caah scholarship program zong ngeih in rianuaninak a um ahcun mission field rianuannak kha tampi thazang a pek lai I hmual a ngeihter lai ti ah ka ruah.
9. Mission uanmi khrihbu in mino pawl hna nih mission field ah Gospel kal I mission field  I um mi mino pawl hna he hawikomh nak le Pathian thanghatinak ngeih ding. Kum fatin a tuah khawh lo ah, kum thum ah voikhat tal in hi gospel kalnak program ngeih ding. Khrihfabu pakhat lawng tuah a hardeuh ding si ahcun mission field area pakhat chungah uanimi Khrihfabu pahnih thum I kawmh in gospel kal nak program ngeihding.
10. Himission rianuannak ah a thlahtu bu ( ramchung/ramleng) le mission field kar ah CACC  nih contact tuahpiak le thlangtlaknak tuah in hruai sehlaw a ha lai tiah ka ruah.
Cucu CACC EC in BM/Triennial biachahnak in I tuah sehlaw hi ngeih ding.

A cung lei I ka chimmi pawl hna hi keimah pumpak in mission rianuan nak kong he pehtlai in ka hmuhning le ka zeitin rianuan ah a tha lai ti ahruahning langhter mi si. Consultation ah a telmi rianuan hawi nan mah nih chap awk le remhawk a um mi poh kha chappiak in ka remhpiak u law a herh sic un EC in Trienniel tiang ah hi kong hi ceihhmai nak le biachahnak um sehlaw a ha lai ti ah ka ruah. Lungsaute in nan ka ngeihpiak mi cungah lunglawmhnak tampi ka ngei. Ka lawm.

Hla Aung
GS,CACC
Hakha
(2011 October 22,  CACC 2013 Hnu Mission Rianuannak Consultation, IBC)