2013 Hnu Mission Rian Ṭuannak

1.      Lairam Khrihfa Tuanbia

Kan Lairam cu zapi nih kan theih bantuk in American missionaries pawl rianṭuannak thawng in khrihfa zumhnak le Khrihfa biaknak cu Lairam ah a hung phan ve. American missionaries pawl rianṭuannak cu chaklei Liatlang ah a si hmasa bantukin Khrihfa zumhnak le Khrihfabu zong hi Chaklei Laitlang ah a um hmasa. Asinain Laimi kan pa le rianṭuan nak thawngin thlanglei laitlangzong ah Khrihfa zumhnak le Khrihfa biaknak  nih a phanh ve hna i Khrihfabu zong a hung karh ti kha kan hmuh. Thlanglei Laitlang ah a hmasabik rianṭuan tu hmasa hna kan pa le hna cu Matu peng ah Rev. That Dun, Mindat pengah Rev.Lung Tum, Kanpelet peng ah Rev. Ceih Kio, Paletwa peng ah Rev. Ni Hmung hna hi an si.

II. Nihin Lai mi Khrihfa umtuning

Nihin ni kan Laitlang peng kulh pakua chung um Khrihfa thazang kan zoh tikah Pathian nih Laimi hi a kan philh lo, a kan dawt ve ko ti kan hmuh khawh. Zeitintiah,chaklei Laitlang um pengkulh paruk; Hakha, Than Tlang, Falam, Tidim, Tonzang, Matupi peng hna ahcun Khrihfa hi minung 100 ah sawmkua90 reng lo kan si cang tiah kan ti ahcun kan palh rua lai lo.

Midat peng kulh chungah a tang lei bantuk in a si

a.       Khua zapi                                             187

b.      Khrihfa khua                                        114

c.       Missionary  a lutrih lomi khua               40

d.      Mission ṭuanlio mi khua                        33

e.       Milu rel dih lak                                       44246

f.       Khrihfa dihlak                                        25272

g.      Khrihfa sirih lomi                                  18074    

Kanpetlet pengkulh chung    

a.         Khua zapi                                             114

b.      Khrihfa khua                                          44

c.       Missionary  a lutrih lomi khua                 30

d.      Mission ṭuanlio mi khua                          40

e.       Milu rel dih lak                                     19575

f.       Khrihfa dihlak                                       10687

g.      Khrihfa sirih lomi                                   8888

Paletwa peng kulh chung

a.         Khua zapi                                            40   

b.      Khrihfa khua                                         160 hrawng

c.       Milu rel dih lak                                      91112

d.      Khrihfa dihlak                                         57379

e.       Khrihfa sirih lomi                                    33733

  

          III. 2013 Hnu Mission Kong

2013hnu missionrunṭuannk ah CACC le CACC chungtel Khrihfabu hna nih a tnglei bantuk in rian I ṭuansehlaw  a tha hnga tihka ruah. 

1.      Lairam kulh ah pumpek in ṭuanding

2.      Lairam  leng um Asho kan nau le Gangaw peng chung Lai Buddist Kan unau hna  sinah ṭuan ding

3.      Kawlram chung kawlmi lak aah ṭunding

Acunglei ah kan langhter mi Thlanglei Laitlanag I Khrihfa umtuning kan zoh tikah thlanglei Lai tlang ah mission rianṭuan a hau rih ti fiangte in kan hmuh khawh. Missionary pawl lut in ṭuanrih lo mi khua zong an tam. Cun an minung lurel kan zoh tik zong ah Khrihfa si rih lo mi an tampi rih. Cu hlei ah ZBC nih CCOC program a dih hnu in thlang lei lai tlang ah misson ruanṭuan a ngol.  CCOC a dih in a tu 2011 kar lak Buddist biaknak lei in thlang lei Laitlang ah mission rian biatakte in an ṭuan ve tikah Khrihfa si cia mi hmenh Budist ah an cang ṭhan lai ti hi phan a um ngaingai. THil Um tu ning hi mah tin a si caah THlang  lei Lai tlangah hin mission rian kan ṭuan tiah a phungmen in in ṭuan si ti lo in biatak te in thazang chuah in ṭuan a hau. Cu lawngah Buddist nih mission an ṭuan nak  kan tei khawh lai. A phung  men I kan ṭuan ah cun mi kan tlai kho lai lo ti ah ka ruah. Biatak te in ka ti tikah an thlarau nunnak ca long si lo in pumas  lei in an thancho khawh nakhnga fakpi in rianṭuanpiak ding ti kha a si ko.

IV. Zei tin Rian a Ṭuan Lai?

2013 hnu mission rianṭuannak hi a tanglei bantuk in sisehlaw a ṭha hnga maw tiah ka ruat.

1.      CACC nih kum 2012 chungah Paletwa, Kanpelet le Mindat peng chungah survey that e in tuah ding. Cu ti I tuah tikah a tanglei hna hi biatak te in zohchih le ruahchih ding an si.

a.       Khua min

b.      Khua chung um milurel

c.       Khrihfa mi lu rel

d.      Tanghra awng mi

e.       Thangriat tiang kai mi

f.       Tangli awng in a chuak mi

g.      Ngan dam lei I zohkhenhnak

h.      An khua pawng I khau hna he anhlat neih le Paletwa khuapi he a hlat neih

i.        Pengkulh chung mapsui I cu map ah an khuamin pawl langhter ding

j.        Pawcawmnak lei an rianṭuannak

k.      An nunphung theihtlei

l.        An holhmi holh

m.    An ca ah bawmh a herhbik mi thil

2.Mission rian aa ṭuan tikah khua khat ah missionary pakhat chiah ti si lo in, a neih deuhmi khua li nga kha Field area pakhat  ah I chia sehlaw, cu field area pakhat ah thawngṭha chimtu pakhat, Sii lei zohkhenh tu pakhat le Fimnak lei cachimtu pakhat ti in missionary pathum chiah  in rianṭuanṭi hna sehlaw hmual a um deuh hnga maw ti ah ka ruah.

3. Tlah dingm missionary pawl kha ṭha te in training pek le an mah he rianṭuan ning ceihhmai nak le Khua khanṭi nak ngeih  hmasat ding. Cucu CACC hruainak in tuah ding.

4.  Missionary thlah mi khrihfa bu hna le thlahmi missionaries hna I tonnak le biaruahnak hi kum khat voikhat lengmang um sehlaw a ṭha tiah ka ruah. Cu ti I tonnak a um lo tik ah an herh mi zong ṭha te in theih khawh a um lo, an tonmi har nak zong a thei kho ti lo. Cu tikah zeitin bawmh ah a ṭha lai ti a thei kho ti lo.Cun ton nak le biaruahnak a um lo tik ah Khuapa khat chung lila ah Missionary pa li nga an um I cu Missionary lila kha an I hmu thiam lo tikah khuami tu kha an lung an buai ter ngaingai hna ti in thawng zong kan theih mi a um pah lengmang. Kha tiah mission rianṭuan mi hma a kal kho ti lo.

5. CACC hruainak in thlahmi Khrihfabu in hruaitu upa hna nih mission field ah va kal in caan hman ṭinak le thazang peknak hi kumkhat voikhat a si lo ah kum hnih voikhat tal in tuah nakum sehlaw a ṭha lai tiah ka ruah. A ṭha bik cu Khrihmas lr kum thar caan ah va kal hnawh I Christmas le Kum thar he an sinah caan va hmanpi. Cun Laksawng thil tete zong put I laksawng peknak zong umsehlaw a ṭha chinchin lai ti ah ka ruah.

6. Pumsa lei in ṭhancho nak hi mission field um mi hna ca ah special program I ngei sehlaw cu program ṭuanchuah khawh nak ding caah thlahtu bu nih budget sui in rianṭuan , cun NGO dangdang pawl he contact tuah in rianṭuannak a  um ahcn mission rianṭuan mi ah hmual a tampi a ngeihter lai ti ah zumhnak ka ngei.

7. Mission field pakhat I rianṭuannak kum 7 a tlin tikah kha kum 7 chung rianṭuannak kha zohṭhannak  le thil sining ceihhmaiṭinak tuahnak umsehlaw a ṭha lai. Cu zong cu CACC hruainak in I tuah sisehlaw a ṭha lai. Kha tin zohṭhannak le ceihhmaiṭinak  a herh ahcun hmailei caan rianṭuannak kha tampi thazang a pek lai hmual a ngeih ter lai tiah ka ruah.

8. Hi ti I thlanglei lai tlang mission rianṭuannak ceihfatin te CCC le Matupi I UTC in hruai tu pawl zong I tel kho ve hna she law a tha lai. CCC le UTC ah mission field lei in sianghngak chia pawl caah scholarship program zong ngeih in rianṭuanṭinak a um ahcun mission field rianṭuannak kha tampi thazang a pek lai I hmual a ngeihter lai ti ah ka ruah.

9. Mission ṭuanmi khrihbu in mino pawl hna nih mission field ah Gospel kal I mission field  I um mi mino pawl hna he hawikomh nak le Pathian thangṭhatṭinak ngeih ding. Kum fatin a tuah khawh lo ah, kum thum ah voikhat tal in hi gospel kalnak program ngeih ding. Khrihfabu pakhat lawng tuah a hardeuh ding si ahcun mission field area pakhat chungah ṭuanṭimi Khrihfabu pahnih thum I kawmh in gospel kal nak program ngeihding.

10. Himission rianṭuannak ah a thlahtu bu ( ramchung/ramleng) le mission field kar ah CACC  nih contact tuahpiak le thlangtlaknak tuah in hruai sehlaw a ṭha lai tiah ka ruah.

Cucu CACC EC in BM/Triennial biachahnak in I tuah sehlaw hi ngeih ding.

A cung lei I ka chimmi pawl hna hi keimah pumpak in mission rianṭuan nak kong he pehtlai in ka hmuhning le ka zeitin rianṭuan ah a tha lai ti ahruahning langhter mi si. Consultation ah a telmi rianṭuan hawi nan mah nih chap awk le remhawk a um mi poh kha chappiak in ka remhpiak u law a herh sic un EC in Trienniel tiang ah hi kong hi ceihhmai nak le biachahnak um sehlaw a ṭha lai ti ah ka ruah. Lungsaute in nan ka ngeihpiak mi cungah lunglawmhnak tampi ka ngei. Ka lawm.

Hla Aung

GS,CACC

Hakha

(2011 October 22,  CACC 2013 Hnu Mission Rianṭuannak Consultation, IBC)

Khrihfa timi cu Khrih caah nun hi a si

Pastor Cung Bik

Galati 2:20,Filipi 1;21, Rom 6:4, John17:15, John17:18

Filipi 1;21 Nunnak hi ka caah zeidah a si? Kei ka caah cun nunnak cu Khrih a si ko.

Dawtmi zumtu unau, khrihah pumkhat a si mi nan zapiten an kut kan tlaih hna, thawngṭhabia i hrawmṭidingah ka duhmi cu khrihfa nun cu Pathian ram caah nunnak pek in ṭuan hi a si ko. Mission rianṭuan hi a si kan ti lai cu, mah he pehtlai in chim ka duh. Zumtu hna kan nunnak hram cu Khrihcaah nun i pek hi a si. Cucu kan bible chungah hmuntampi ah hmuh khawh a si.

Zumtu hna kan nunnak/kan thawnnak cu Khrih a si.

1. Galati 2: 20 cucaah a nungmi cu keimah kha ka si ti lo, ka chung i a ummi Khrih tu hi a si deuh. Atu i ka nunmi nunning hi, a ka daw i ka ca i a nunnak a pemi Pathian Fapa zumhnak thawngin ka nung. Paul nih Galati khuami hna sinah ca a kuatmi hna kan zoh tik ah tu i a nungmi hi ka chungah a um mi khrih a si a ti. Dawtmi unau caan tampi ah khrihfa ka si kan ti, thlarau in ka khat kan ti, zumhnak nung ka ngei, Ka piangthar, kan ti, sihmenhsehlaw caantampi ahcun cu kan zumhnak/khrihfa ka si kan ti nak hna cu a lo i kan ralpa sehtan nun in kan nun caan a tam theo, Zumtu khirhfa ṭha taktak a si mi nih cun nifatin kan nunnakchung ah Khrih kha kan nunter deuhawk a si ti kha kan bible nih a kan cawnpiak mi cu a si. Na nunnak i lam an hruaitu/ nunnakṭhawnnak an petu kha mizei dah a si ve? Pawl nih cun tu i a nungmi cu keimah si lo in ka chungah um mi khrih tu kha a si deuh a ti. Kan chungah nunnak/thawnnak a kan petu hi khrih a si ve cio hnga maw?

2. Filipi 1;21 Nunnak hi ka caah zeidah a si? Kei ka caah cun nunnak cu Khrih a si ko. Pawl i a nunnak ahcun kei ka nunnak hi cu Khrih a si ko a ti ṭhiamṭhiam. Cucu zeitin dah a si khawh ti ahcun khrih cu khamhtu le bawipa ah a co mi hna khrih an zumhnak ruangah tipil a ingmi hna i an tuahmi khan a hungfiang chinchin lai ka zumh. Cucu Rom 6:4 Cucaah tichung i tipilnak kan vung in ah khan amah he vui ṭi kan si i a thihnak ah khan kan thi ve; cu bantuk ṭhiamṭhiam in Khrih cu Pa sunparnak ṭhawnnak nih a thawhter bangkhan kannih zong nunnak thar ah kan nung ve lai. Dawtmi pathian fa le hna khrih thihnak le thawhṭhan nak a zum mi kan nih zong nih teh cucu kan cohlan kho taktak ve maw? Cu khrih a zumtaktak mi hna nih kan nun dingmi cu a mah khrih caah nunnak pek in nun kha a si ko. Ka piangthar ko e kan ti taktak ahcun Khrihcaah nunnak pek in a rianṭuan hna usih. Khrih he nan um ahcun ṭhawnnak na ngei lai i na tuahduhmi kha na tlantling fawn lai.Khrih he nun ṭi a biapituk hi mu …cucaah Khrih nih a kan cahmi bia cu a thawngṭha au pi le a zum lo tu hna sinah khamhnak thawngṭha va aupi i zumtu ah va serding kha an kan cawnpiak i an kan fial mi rian zong a si cucu Mtt 28:17-19 ah fiangte in kan hmuh.John17:15 Vawlei cung hin la hna tiah kan nawl a si lo, sihmanhsehlaw Mi Ṭhalopa sin khan him tein chia ko hna ti kha kan nawl, a ti Dawtmi Pathian fa le hna fakpi in ruah hna usih law ti ka duh mi cu Kan mahbantuk a si ve mi minunghawi Bawipa dawtnak thei lo mi hna mitampi an um rih, sualnak hmun ah a ciahmi unau an um, phundang i chimahcun khrih nih a ka dawt i a kan khamhnak thawngṭha a thei lo le a cohlang kho lo mi hna tampi an um kha philh hlah! Mah hna caah khan khrihnih rian ṭuan dingah an fian mi na si zongkha thei pengfawn law .. Na dawtmi na minung hawi a zum kho ve rih lo mi hna caah Na thlacamnak le na chawnva, na caan pe zungzal rih ko. CuCu khrihfa i a nunnak cu a si. Kan Chungah a nungmi khrihnih an fial mi rian lianngan bik cu a si. Keimah na ka thlahban tuk in vulei um mi kha kei zong nih rian ka pek ve hna, mah na thawngṭha chim dingah ka fial ve hna a ti.John17:18 Vawlei ah na ka thlah bantukin kei zong nih vawlei ah ka thlah ve hna. Nang mah le kei mah kha vulei i thlah ve mi hna cu kan si. John 17:4 Vawlei cungah na sunparnak cu ka langhter cang; na ka fialmi rian cu ka lim cang. tiah John nih a ti bantuk in khrih a zumtu mi hna nangmah le kei mahnih kan ti kho ve hnga maw?

Biadonghnak

Dawtmi khrihah unau Pathianfa le hna i nun nak a si dingmi cu khrih he nun ṭi , Khrih cu kan ṭhawnnak thazang ah ser khawh i, Cu kan ṭhawnnak thazang vialte cun Bawikhrih ram kauh nak ding caah rian lianngan kan ngei cucu kan nunchung i kan lim khawh ve dingah i zuam hna usih law ti ka duh. Khrihfa na si ahcun Khrih caah nunnak pe, Na chawva le na caan pek a herh, Nangmah pumpak zong in ṭuan. Khrihfa si mi kan nunnak cu Khrih ramkau ter, sehtanram bitter kha a si. Mission na ṭuan awk hrimhrim kha a si.

Kanzapi caah Bawipa nih a thar in thluachuah kan pekpiak ko she!

Cung Bik ( Thawng Thawng pa)

Philippine

Lai Phungthluk pawl

1. A dil na a sat na 2. A fir tu zak lo a hmutu ning zak 3. A haw na ram simh in. 4. A hngal nih sa ei 5. A hrut thingfung (zang) tlaih in 6. A luk lu lo a beh nam? (Fianternak a um lo ahcun kan hloh cang lai) 7. A neh hnu Kawl ral dawi 8. A nep nalo Mangdun lu kuai 9. A nu neh lo in hlei tol a vuak 10. A sa lo chem hmang 11. A thi hmasa puan zual tong 12. A zaw lung le a dam lung an i lolo 13. Ahruut nih fim chim 14. Alut lei vaipuan in pua a chuak lei mautlor in tu. 15. Amui in zoh hlah a aan in ngai 16. Ar bia duh 17. Ar hla fung khat tlaih 18. Arpi dakmak, sahngar tei lai bang 19. Arpi khuan in khua dei hlah 20. Arpi tap na, sahngar ni na 21. Aruh tum hlah a hang na hap lai 22. Bapi in thak kaw Bate tiang. 23. Bawi laam ni ah nu kawl hlah 24. Bawi pawng tthut le cerhkam thlawh. 25. Bawnbok le mantaat 26. Beel te phul le tar te hur 27. Beel te phul le tar tlawk ciar. 28. Belte kem paam phur, lote kem tthahnem 29. Bia chim ttha lo mah kung tlung 30. Bia thli tlangpar ah a au 31. Bia ttha nih chaw ttha hlawh 32. Biachia chim nih tlun inn tong lo mah sin kir tthan 33. Bianeem chim le lamphei kal. 34. Buluk umnak ti a nawi 35. Buluk umnak ti nawi, mihuut umnak khua nuam 36. Bur khat liam nu khat philh 37. Cang-ai khur chung hrang 38. Cang-ai sa zong sa 39. Capo biatak ah tla 40. Cawpi tar ramno duh 41. Cepa a der lei ah a eek ai ceh 42. Chia chin hawi soi 43. Chimpit vansaan ah khuazing ttheu 44. Cho ttia (ttiattum) lo nih tha ka la ka co lo nih zaang ka zuun 45. Chumhmui saan caan ram saan caan 46. Chungkhat thu rual tlulo paamnak khuakhat thu rual tlulo ttionak 47. Chungthu leng naal 48. Chur cite thuh in 49. Cupi khate vati hlah 50. Dam nun khua ceu hmu 51. Dawngpi bia le ngaknu bia 52. Dawtu zazat, huatu zazat 53. Deh lengmang ah tlahpuk hmanh mi aat 54. Der pheh chia, paam pheh chia 55. Duh zoh le huat zoh aa lo 56. Duhmi zakhat, nupi pakhat 57. Duhnak mit caw 58. Duhtuk belcuar koh 59. Ei cutmat, ttuan cutmat 60. Ei duhtuk paam nak, hor duhtuk liamnak 61. Ek laam hlah, fim laam hlah 62. Ektan ka ral rawih 63. Fa dawt lor, lo thlawh lor 64. Fa khat ngeih le pangpar tonh 65. Fahniang thih le ngalcar khawn 66. Falai chia le lo lai chia 67. Fanu kir le sal lei tlak 68. Fapa sual ngeihchiah heu 69. Far hmui bir philh khaangca par palh 70. Fir thang chia hal thang ttha 71. Forhforh ah nam khiaktu, phaihphaih ah ngal kiak zaam 72. Furpi ni le nuphun ciar 73. Furpi ni le pa hnawm thin 74. Haarka tthu cu ei theu. 75. Hakha holh le ruaro khiah, Thantlang holh le sanawg khai 76. Hawi neh hnu Aar (or) naal 77. Hawi ttha lo nih sual za kuai 78. Hmur fong bia la zaang fong ttha hnem 79. Hngakchia rai khat tthing lo 80. Hngerhte ka lung umpu ngaw 81. Hniarlawn lung le Vomkhuai lung 82. Hruh hmasa fim hmanung 83. Hruh man cawi cawk lo, fim man ei cawk lo 84. Huatu pakhat dawtu zakhat nak in tam 85. Iang cu hlen a hmang 86. Imhtu zazat, hraamtu zazat 87. In phaak lai lumh le kumvui lai thih 88. Inn rawl a ttaam lo 89. Innpa ngaknu, lam pawng thei 90. Inpa siik le tthal khuadawm 91. Ka chuh chap ah ka zu bel 92. Ka daw ta hlehlem ka cum ta kungkung 93. Ka fa ka chimhnak ah mifa an fim 94. Ka kawi ka ral ah tla 95. Ka lun lo nih chi ka barh 96. Ka lungnih Bawi co duh kaw, ka tha nih khua kho lo 97. Ka mi tei le caw ek 98. Ka ngeih sa kheng dar / Kheng Chung Sa tlolh 99. Ka siapi man ka zal bai 100. Kaa lawng aang taw lawng chi 101 Kafa thi kaw sonh lo ka sonh. 102 Kan bo kan thei lo. 103 Kan chim voi hra kan tlawn Hranhring. 104 Kawl nu chu ttamh in. 105 Kawl tlawng tlun zaan cite phurh zaan. 106 Kei fapa ngeih kum ah pultlung. 107 Khat ka liang, khat ka phei. 108 Khingkhih sin ah bengbeh. 109 Khual pa duh le va zuang chaih. 110 Khuapi bia thing-nge tuar lo. 111 Khuataw voih khualu ah ek in thang.. 112 Khuathlang lunglo, cang-ai lung (hniit) lo.. 113 Kinglang puanbu tah. 114 Kut te le zawngza. 115 Lei le dang hmanh an iseh ttheu. 116 Lei pi rawl le mipi fa. 117 Lo cephnep le tar tlokciar. 118 Lo zu nih inn zu pawn chuah. 119 Locuul kal le nu khual tlawn. 120 Lopi ne le khengpi ne.. 121 Lopil ttha le nupi ttha. 122 Lorawl le salchu. 123 Lung cung cuang le thing par va. 124 Lungchung pa duh le fur pi ti hal. 125 Lunglak thlawh le til thak huah. 126 Lung chung tteek tu. 127 Lungthli ruah lo vok ke. 128 Mah fak le diimzu. 129 Mah fak le sakhi ngal ah zei kop hlah. 130 Mah le cang-ai khorh. 131 Mah til cumh. 132 Mei deh thi zang deh nung. 133 Mi biatuk faak ar hmacuk faak. 134 Mi fir dawi lo in an zaam. 135 Mi har ah dar al. 136 Mi hruut kaa ah khua to. 137 Mi kut cung savo puam. 138 Mi le hmaifa. 139 Mi le mau hram. 140. Mi luut dawn hlah rul lut dawn 141. Mi nih bialo chim hlah, ar nih hma lo cu hlah 142. Mi pakhat thawng sa pakhat thawng 143.Mi rum nih rum chin an duh 144. Mi thlawhcia lo ah Zu le Zawng an i vua. 145. Mi zoh ah chiakuk, mah zoh ah ttha vaang 146. Michia fa le Valah eek 147. Michia lian le vate lian 148. Mihrut eek nam 149. Mihrut forh le nam hnawl taat. 150. Mimte fa thlau in 151. Minsak le ai kah 152. Minung nunnak vaan in tla 153. Misiing nihchuak cingla ningzak. 154. Mising dawt le ram phong chaih 155. Mitkuh nih zah a hngal lo 156. Muidawh sawikhat phor 157. Na lung vomchu zat 158. Napu zawm hlah na taw sawng lai 159. Ngaikuang nih ka um nak li lian 160. Ngak ttah paam lo um hlah fatun tlawt lo um hlah 161. Ngaktah le fatun 162. Ngakte zang tlaih in 163. Ngakttah khua awng tong lo 164. Ngal hriang bang mah lawng hriang 165. Ngun hang a kha 166. Ningttih voikhat, ningzah zungzaal 167. Nu bia in bia tlu hlah, Siapiki in laam tlo hlah. 168. Nu chimh colo zubui lam thlang ril 169. Nu cingcih lo pa muang muah lo 170. Nu ruahnak tikhur ral pet hlah 171. Nu zunn thlum le pa hawngkong 172 Nuhmei nawl le Chihria nawl. 173 Nupi chia le kedan teet. 174 Nupi cia le para cia. 175 Nupi tha nih rualza pum, nupi chia nih rawlza tthen. 176 Nupi tthit le samhri phoih. 177 Nupi vuak phung darkhuang cumh phung. 178 Nutung helh le capawl bongh. 179 Nuva bia inn awng ah tla. 180 Pa le Uico. 181. Paam lei vai puan aih 182 Paam lung ping ngeih lung awng. 183 Pasal bia le ngalhriang neh. 184 Pasal ka biachim le ka tlah tteem. 185 Pasal ral vaan ah. 186 Pasal rawlttam lo lian tum, Nusal rawlttam beellian khiing.. 187 Pate le sapherh nute le anfe. 188 Pate thin le bel te tlok. 189 Paw te khim kaw hna te ngam. 190 Phihlik kheng tlang vel. 191 Pur pheh chia phar pheh chia. 192 Puulthi nih Saarthi hramh. 193 Rai khat nih rai za kuai, sual khat nih sual za kuai. 194 Rianttuannak kut tawi, rawl einak baan sau. 195 Ruahko le peek lo.. 196 Rul le rul an ke an i hmu. 197 Ruul lam palh, lungkheng kuai. 198 Sa thah (chunh) hlaan chawl phah. 199. Saduh thah el lo 200 Sai saa chin chap a nawng chin chap. 201 Sakhi chin chap beh lo chap. 202 Sakhi tliiknak beu hlah, pasal bia chimnak beu hlah. 203 Sakhi zankhat thau. 204 Sanglai innka dir. 205 Sazuk bang khua (khaan) dawh. 206 Seihnam chinh (tthinh) ttha nun tthinh ttha. 207 Sia haraw cung laita Mathlih zaw suh. 208 Sia hmanung fungfek ing. 209 Sia ruah tuar. 210 Sik lo kal le khawh lo lawi. 211 Sual sual khat nih sual za kuai. 212 Sur vorh thiam lo mah lu khuh. 213 Thai hlung mang manh. 214 Thawngtheih ah thang lian muihmuh ah limzor. 215 Thihchin arbawm thlai. . 216 Thing kawi le mau kawi an irem. 217 Thingthu let phut zang hmur tu. 218 Thlai thlaak long, Fa hrin long. 219 Tho nih hma lo tlanh lo, ar nih hma lo cu lo. 220 Ti thu zei nih tleeng hlah. 221 Tipil bia le kawl tlawng bia. 222 Tlaih chuah ah ai, ei chuah ah ai hme cuh. 223 Tlangzar pa sualruang ah Ramthlo pa an benghphuk. 224 Tlukceu le emkor.. 225 Tlukceu le keucheu. . 226 Tta te le thlaam te. 227 Ttah lak ah nih chuak. 228 Tthahnem ka kawl pam chin ka tong. 229 Tthuro hmur phawt in.. 230 Ttian lai lomh le thawh lai kuh. 231 Tupi vangi ttio ngavaang. 232 Ui co lam hnok. 233 Ui fir ai phuhrung. 234 Uico bo nih mi seh hlah. 235 Uico rual hngal. 236 Uico vaak long saruh tong. 237 Uipi lo kal taklawng kir. 238 Unau (hawikom) ttha le liangdan ttha. 239 Upa bia in bia tlu, thingtumah mei riak.. 240 Upa le khuafa. 241 Utlak (Uitlak) cho cuh in. 242 Utlak (Uitlak) nih a phar hawi sin ah phar a ttih loh. 243 Vaan nih phu a hlam. 244 Vaan zoh ah sang lei zoh ah pit. 245 Vai pa amah lala. 246 Vanchia nu kalnak poh ah ruah a sur.. 247 Vanha pa naamtaat amah thahnak. 248 Vansan chihria hmui phulh. 249 Varit na duh le cepa, Cepa na duh ah Cepa. . 250 Vate nawi kaw vapi tiang. 251 Vawrvok eek khur tla. 252 Vokpi hnar i tumbul tonh (lungvar chiah). 253 Vokvaak thal he lawi, nu vaak bia he lawi.. 254 Vomkhuai thi kaw ngalhriang hnak fak. 255 Zawh te meiluak. 256 Zawng lak ah ngau kaang. . 257 Zawng nih amah thawkheng hmu lo in mi tawkheng a caak.. 258 Zawng para thlei. 259 Zu bul le khuai bul. 260 Zu chizawh kawrawng awih timh. 261 Zu hlun le hawi hlun. 262 Zu zawng hmaizah. 263 Zubui tan thum kei khengkhat. 264 Zute thi kaw rawl vaang ah. 265 Rul bang ka mei laam konkaw cu te ning. 266 Cakei mei tlaih. 267 Thihnak lam tawi nunnak lam sau. 268 Kan i hngalh ah khum le kha, kan i theih ah Zu le Zawng. 269 Mifa dawlo mah fa daw . Hawi nehhnu Aar naal/ Or naal: timi hi kum sawmkua asi cangmi ka pa sin ah ka hei hal i an pa hnih in hman an si ati. Aarnaal titik ah mi nih har Ar cawngthai in. Awr zungkhat vang ah. Baa rawh zet lo. Belchin khar lo. Fapa min chawng. Lobua tlet le zurua tlet. Nute chuak kaw pate ca. Para bua le nupi ruaa. Tar le ngakchia an i lo. Zan khat mit chinh ton ah Sui Sui