Welcome to tiochunpar: Pi Hawi Iang ruakcung biatawi

RuaBuk Khua tuanbia tawi

Ruabuk khua cu Pu Chum Kham (Cinzah) nih Bungkhua in 1908 kum ah a rak tlak mi khua a si. Thau ram a rak si. An tlakka i an khuamin cu Tiochun khua ti a rak si. Thau ram a si caah thau lo riak mi hna he khua an rak satti hna, inn 30 kan tling cang an ti hnu ah ram ri ttha te in Ram uk bawi nih an rak cheuh hna. Khuahmun hi hmunli ah an i tthial, a voikhat nak cu Tiochun tlang ti mi hmun ah an rak um, cun ram ri cheuh tik ah kan rambi tuk sual lai an ti caah thau khua lam neih deuh ah an rak i tthial, cu hmun ahcun ramri cheu tiang an rak um. Cun Kum khat chungah minung tam tuk te an thih caah cu hmun cu pulkhua an ti, hmun dang Ruabukbo ah an i thial than, thli a rak fak tuk ruang ah a tangdeuh chihlim rawn ti hmun ah an rak i tthialtthan, an um nak hmunhma thial a tam tuk i inn lo rianh kha an i harh tuk caah rua lawng te in buk in an rak sak i cu ti cun khua cu an rak tlak i cucaah Ruabuk khua ti ah min an rak sak tthan.
1922/23 hrawngah bualpi khua in Pu Rual tei cu Thawngtthabia chim ah a rakra i khua chungah a um colh ve, a mah thawngin Ruabuk ahcun thawngttha bia cu cohlan a hung si.
1972/3 ah cozah nih primary school an rak pek hna. An saya te cu Mizo ram mi an rak si. Mizo holh hi anrak hmang ngai mi khua an rak si.
2008 ah Ruabuk khua kum 100 tlin nak le Khrihfa 75 tlinnak Jubilee cu sunglawi taktak in Ruabuk certual ah kan tuah. Mah i a dihmi dih lak cu New zaland um Pu Hrang Cem nih a liam/a hlut dih. Khuami nih a cungah lunglawmh nak bia chimcawk lo kan ngei, Pathian sin tu ah thlaza kan cam piak hna.
Tu chun ni ahcun Mei zong a ceu ve cang. A nuamngaingai mi khua pa khat a si ve cang...

Cung Bik
Pastor
Baptist church
Ruabuk

Tlaih Fung

Wednesday, August 10, 2011

Pi Hawi Iang ruakcung biatawi

No comments:

Post a Comment