Tlaih Fung

Miphun a liannganter tu cu dinnak a si. (Phungthlukbia 14:34)

Saturday, August 7, 2010

Lungrual cu Teinak, Thluachuah Hmuhnak a si

Bible---salm.133: 1-3,

Theme:---Lungrual cu Teinak, Thluachuah HmuhnakAsi
(1) Hi Bible ca kan zoh tik ah David nih Israel mi hna sin ah lungrualnak a thatning a langhter mi le a chimhmi hna bia a si.Zei ca kan ti ahcun Israel mi hna hi an lung an ni rual lo poah ah cun ramdang cakei nih a seh hna lai i harnak tampi anton lai caah le lungrual tein an ram le an miphun an khua an tanh ahcun Pathian nih a duh mi le a lawmhter tu a si caah thluachuah a pek hna lai nak kha a chimhduh mi hna a si.
(2) Israel mi hna an tuanbia kan zoh tik ah lungrual nak he an ram ca an tuan ahcun Pathian aa lawm i a lamkip in thluahchuah a pek hna.Sihmanhsehlaw lungrual lo in mah tang kahuih in an um poah ahcun Pathian lung afak i a ngeih an chiat ter caah ram dang sal hna ah a tan ter hna,harnak tampi a tonter hna,an cungah chimhhrinnak a tlunter tawn.Cu caah David sin ah Bawipa nih bia ai kam mi cu lungrual tein nan um ahcun Hermon tlang dap kha Zion tlang cung ah ka tlak ter lai i thluahchuahnak kan pek hna lai zungzal nunnak tiang in tiah a biakam a let bal lo tu Bawipa nih Israel minhna cu thluachuah a pek hna i miphundang lak ah a cawisan hna.
Cu bantuk in Ruabuk khuami hmunkip ramkip ah a ummi unau hawidawt vialte hna kan i dawt i lungrual te i kan um ah cun le lungkhat te in khua le ram caah kan tuan ah cun Bawipa nih David a kamh bang thluachuah a kan pek ve ko lai. Thautlang dap kha Ruabuk khuatlang ah a sur ter ve ko lai.
(3) John Dickinson nih lungrualnak nih khua le ram a dir ter i thencheunak le mahtang ka huaih nak le mah zawn lawng ruahnak le nawlngeihlonak nih khua le a rilh ter ati.
* Johann Von Schiller nih thazaang a tlawmmi hmanh an i lungrual ah cun thazaang thawng ah an i chuah kho ati.
* Eliene Pivert De Senancour nih tlamtlingmi lungrualnak nih thilvialte a tu khawh dih. Khua le ram dawtnak kan ti mi hi a hmunhma ah asi lo i a ngeitu thinlung ah asi ati fawn. Cucaah kan khua le kan ram caah lungrual te in kan tuan le kan i pek hnu ah thluachuahnak kan hmuh lai ti hi ka zumh mi asi. (4) Kan khua kan ram kan tumchuknak tiah ka ruahmi tlawmpal langhter ka duh.
(a) Kan khua kan ram mi hna kan i dawtnak a niam tuk mi hi asi. Hawi khua Cu sifak santlai lo mi hna khi an dawt hna i ramdang a ummi hna nih an khua hmeinu hmeipa hna le ngaktahbuangro hna caah an ti i an ngeihmi ui lo te in an hrawmhsian hna. Cu cu Bible chung zong ah Pathian duh mi asi ti hi kan hmuh khawh. Cucaah sifak santlailo kan dawt hna ah hin Pathian nih thlua a kan chuah lai i kan thangcho ve ko hnga.
(b) Pathian riantuantu hna dawt kan thei lo. Hawi khuadang cu Hakha, Than- tlang le an khua an ram ah a ummi Pathian riantuantu hna hi motorcycle tibantuk, suite hna le thil dang dang hna hi laksawng ah an chuah hna. An ngeih mi kha an hrawmh hna. Pathian nih a mah canai ah vawlei mi hna an si ti in an ruah hna i an dawt hna. Curuang ah thluachuah an hmu. Kan nih zong nih Pathian riantuantu kan ngeihchunh mi hna hi daw hna u si.
(c) Khua le ram le Pathian ram caah kan ngeih mi ka khiar tuk. Hawidang khua hna cu khua timei an ti, Khrismas tuahnak an ti Pathian ramkauhnak ca an ti, zeihmanh sianlomi an ngei lo. Cucaah Pathian thluachuah an hmu. Cucaah kan ngeihmi hi Pathian ram ca le khua le ram caah hman khawh i zuam hna u si.

Khua le ram dawt a thei lomi le hawidang lung a rualpi kho lo Mi hna le Pathian a thei lomi le a daw lomi, sifak santlailo dawtnak a ngei lo mi le a mah Pathian can ai ah vawlei a thlahmi a riantuantu dawt a thei lomi cu khuaawng an tong lo i thluachuah zong an hmu bal lo. Cucaah Pathian tih bu in unaurual i daw u sih law lungrual te in le lungkhat thinkhat te in khua le ram caah kan tuan i kan i pek ah cun sifahnak kan ral nganpi khi an tei lai i kan khuatlang ah thluachuah hram a dir ve ko lai.
Bawipa nih thluachuah in pe ko hna seh!

By Rev. S. Sang Ceu.
D.E&M Director
The Methodist Church
Hakha, Chin State.

No comments:

Post a Comment