“ Hawikomhnak" (Fellowship)

Khuami nan sin ah thawntha bia chimnak can ka ngeih caah lunglawmhnak tampi ka ngei ko. Can a ka petu Pastor Cung Bik le khuami hna nan dihlak cung ah lunglawmhnak chim cawk lo ka ngei. Tu zing Thawngtha kan in hrawm dingmi cu: “ Hawikomhnak”( Fellowship) ti a si lai.

Bible relding: Hebrew 10:25, I John 1:3, Exodus 20:24

Atlangpi: “Hawikomhnak” kan duhnak cu Fellowship biafang te hi a si.

Hawikomhnak biafang hi phun (2) in kan then lai,

Pathian he hawikomhnak

Minung hawi he hawikomhnak

Hawikomhnak biafang hi a phunphun in zoh le hmuh kawh a si nain kei nih cun Bible nih a chimmi chirlhchan in ka van langhter ve. Hawikomhnak a sullam cu, pakhat le pakhat kha thinlungkhat, (spirit) ruahnak khat(soul) in nun hrawmti tinak khi a si ko.(Lamkaltu 4:32) rel ding.




Pathian nih minung hi zeiruang ah dah a kan ser hnga ti ah na ruah??????ruahchann ak umlo cun a kan ser bal lai lo.

Pathian bia ah kan hmuhmi cu, “Annih cu keimah mi an si I keimah sunparnak tetu ding ah ka sermi an si “ a ti”.(Isaiah 43:7)

-Salm” Bawipa nih atuahmi thil kha a ra lai ding chan caah tial tuah u, cuticun a chuak rih lomi nih amah kha an thatthat khawh lai.” A ti ve.

-Pathian nih minung a kan ser chan cu, Amah Pathian he hawikomh ding ah le a sermi thil vialte hna uk ding le zohkhenh ding ah a kan sermi kan si.

“Cun Pathian nih cun, “ atu cu minung kan ser cang hna lai; kanmah mui an keng lai I kanmah he kan I lo lai” nga si hna seh, va si hna she, inn zuat satil si hna she, ramlak I a ummi saram a hme he angan he si hna she an uk dih hna lai” tiah a ti. Cu ti cun Pathia nnih minung cu amah mui lo in a sermi minung cu Pathian mui in an ser hna.( Genesis 1:26-27).




Pathian nih Adam cu Amah he hawikomh ding in a sermi a si nain Lucifer (Satan) pa nih tukforhnak ruang ah Pathian he hawikomhnak kha a cat Pathian he hawikomhnak an ngei ko ti lo. Cu cu Pathian bia Nawlngeihlo ruang ah a si. Pathian nih
Adam he fawikhomh ding in Eden dum chungah cun a ra than I Adam cu a Pathian he hawi komh cu a ti cang I a zamtak( Gen.3:9) rel ding.

Nang le kei zong Pathian nih a kan ser chan cu a mah Pathian he hawikomh ding ah ser kan si nain Satan pa nih kan mit ka hleh I, sualforhnak ah kan tla ve. Pathian he hawikomhnak kan ngeih kawhlonak a ruang cu kan chung naute sual ruang ah a si. Kan zoh ve ko nain kan hmu kho tawn lo cucu phentu kan ngeih ruang ah a si. Pathian nih a tlaumi nang le kei amah le hawikomhthan ding in a luan ciami kum 2000 ah A fapa ngeih chun Krih Jesuh kan sin ah kan pek than cang. Hawi dawt ….. Pathian he hawi komhnak na ngei cang maw???... nangmah dinfelnak ruang ah si lo in Krih thawng in Pathian he luat te in hawikhomhnak kan ngei kho cang. Hawi Dawt Pathian he hawikomhnak na ngeih khawh rih lo ahcun, zeidah dawn tu na ngeih rih.. ruah ding ngei a si. Pathian cu na sin ah mithmuh lo in an umpi peng ko khah. Nangmah nih nan chawnh le chawnh lo a si ko lai.

-“Vawlei in biaktheng pakhat ka caah nan ser lai I cu cungah cun khangh thawinak le hawikomhnak thawinak ca I nan hmanmi nan caw le nan tuu hna khan an khangh hna lai…….Exodus 20:24)

Biaktheng cu Pathian le minung hna hawikomhnak ding caah tuahmi a si cu hmun cu hmun tiang a si.

Cu hmun thiang ahcun Pathian le kan nih tonnak le hawikomhnak ding cu a si. Cu hmun thiang cu nang le kei “kan thinlung” hi a si. Na thinlung ha thurmi kha Krih nih an thian ter cang khah, hawi dawt philh hlah law… sual ah kir than ti lo ding… Tahcunhnak bia, “thong tla pakhat cu biacheihtu nih na luat cang ati hnu hnu ahcun, zeitluk a sualnak angan hmanh ah luat a si ko cang. Cu ve bang in kan nih zong Satan tan pa kuat in Krih nih luatnak a kan pek cang ih…. Na rian cu zumh le cohlan thiam ka a si lai. Ka luat rih bal lai lo ti in thong ah Satan pa thong ah thu peng sual hlah mu…. Atu lio cu ka rian a tamtuk ve Pathian he hawikomhnak ka ngei manh lo ti sual lai cih mu. Zeitik can poah ah biak le chawnh kawhmi Pathian na ngei khah philh sual hlah.




“Mipa pakhat nawlngaih lo ruang ah mi tampi kha misual I ser an si bantuk in mipa khat nawlngaih ruang ah mi tampi cu miding ah ser an si lai”(Rom 5:19, cun Rom 5:12 zong rak rel chih te mu)

Sual nau te na pawimi kha Satan fa te a si le ka sual lo, ti awk zong a tha hrim lo, kan chung ah a ummi a si caah Satan fa te, sual fa te cu a cawlcang theo ko. Sual cu I phaw lem hlah mu… a ruang cu sualfa na si le sualnak na tuahmi cu na rian na tlinh “ kawi holh cun natavoun na chi” ti nak a si ko cuh.

Cu ve bang cun, atu cu Krih pek na si cang I Krihfa na si cang, Krih nih luatnak an pek cangmi kha na zumh le na cohlan kha a biapi lai. Na cohlan duh ve hoi lo ahcun, Satan pa thong ah (eternal Hell) ah tan a fawi te cu Krih nih a ra in ka khamh ve duh lo ti hlah law, Krih nih an khamhnak a sau tuk cang…. Na cohlan cu nangmah rian a si khah…. Chim duhmi cu, minung hi kan sual ruang ah Hell kal ding ah kan I ruah sual tawn. A si lo, Krih nih luatnak a kan pekmi, kan zumhlo, cohlan loruangtu ah hin Hell ah ka kal ding kan si lai.




Tlang kawmnak ah: Pathian nih minung a kan ser chang cu:

Sunparnak, thangthatnak pek ding ah,

A sermi thil vialte hna, uktu ding ah,

Amah Pathian he hawikomhding ah sermi kan si.( IJohn 1:3)

Na hawi komthabik cu Pathian asi. Hawi thalo hlan hmang hawi cu Satan pa a si. Nang na hawi a ho dah??? Pathian hawikomh na herhbikmi rian a si.




Pathian he hawikomh a herh bantuk in minung hawi he hawikomh zong a herh ngai te.

Mi then nihcun minung hawi he hawikomh cu a biapi lo, keimah te in Bible ka rel, thla ka cam, thangthatnak hla ka sa a za cang an ti ve.. a si lem lo. Kan minung hawi, zumtu hna he fellowship,( hawikomhnak ) kan tuah hrim hrim ding asi. Kan phaknak ram, hmun kip ah kan minung hawi an I pumhnak, Pathian an thangthatnak kan fuh ding, kawl ding, hawikomhnak ah I tel ve ding a si lai. Nangmah peu in peu hlah, hawi na na tluk lo sual lai. Cun zumhnak lei ah si seh, hawikomhnak cu kan herh tuk.

Hebrew catialtu nih, Pakhat le pakhat hmun khat I I pumh lengmang kha ngol hlah u sih; a cheu nih cun ngol hmanh hna she law, kannih cu I forh chin u sih, zeicahtiah Bawipa Ni cu a ngai deuh chin lengmang ti kha kan ngalh caah I forh chin lengmang ko u sih.”(Hebrew, 10:25)

Na minung hawi le thinlungkhat, ruahnak khat le dawtnak he hawikomhnak na ngeih ding hrim hrim a si.




Salm cauk chung ah, “ Unau rual I rem tein khuasak ti hi zeitluk in dah a that I a nuamh. Aaron luthlung in a khabe ah, a khabe in a angki hngawng ah vung luangmi olive chiti bantuk a si. Hermon Tlang dap, Zion tlang cung I a tlami bantuk a si. Zion Tlang ah cun thluachuahnak kan pek hna lai, tiah Bawipa nih bia kan kam, zungzal nunnak cu.( Palm 133.)




Donghnak:

Hmun kip le ramkip ah a phanmi khuami u le nau hna, nan phaknak hmun kip in nan philh lo ding ah cah kan duhmi hna cu, pakhatnak, Pathian he hawikomhnak ngei u: tlacam, Bible rel peng ding. Pathian aw theih na duh ahcun Bible rel ko. Bible hi Pathian nih an chawnhnak Telephone a si. Cun Pathian nih ka aw thei she tin a duh ve ahcun, thlacam ko.

Pahnihnak ah, na phaknak hmunkip ah na miphun hawi, he maw, zumtu hna dangdang he maw, hawikomhnak na ding a si. Mi cheu cu Pathian he I thei ta lo le I hawikomh ta lo in, minung hawi he hawikomh cu an thiam ngaingai. Kawlholh cun luhmuhzi kan ti lai cu, a tha tuk ve, atha hnem ve nain, saupi a deuhmi a si lo. Kan nih zumtu dihlak nih kan theih ding cu Pathian he hawikomhnak ngeih hmasa hnu ah kan minung hawi he I komhnak ngeih ding a si. Cu ti natuah ahcun Pathian nih an ser chan hlawh a tling lai. Kan Pathian ngeih a chiat tawnnak cu, an sertu Pathian he hawikomh lo in, Satan pa he nan I komh tik ah a ngeih a chia tawn. A ngeitu, a rel tu nan cung ah Pathian thluachuahnak, deuhnak le lawmhnak tlung hram ko sehAMEN….. u le nau, duhsaknak he nan sin ah thawngtha chimnak can ka hmuh caah lunglawmhnak tampi he….







Bawi Krih ah nan u nau,




Pastor Benjamin

Klang Myanmar Christian Fellowship

Malaysia.