Sermon

: Macedonia lei Au aw
Lamkaltu 16:6-10
6Asia ram chungah Thiang Thlarau nih Thawngṭha kha chim awkah a onh hna lo caah Frizia le Galatia ram chungah khan khual cu an tlawng. 7Misia ramri an va phak ah khan Bithinia ram chungah luh an i zal i sihmanhsehlaw Jesuh Thlarau nih khan a onh hna lo, 8cucaah Misia ram kha an tan i Troas khua ah khan an vung kal. 9Cu zan ah cun Paul nih langhnak pakhat a hmuh i cu ah cun mipa pakhat, Masidonia mi a simi kha a dir i, “Masidonia leiah hin ra law ra kan bawm,” tiah a ti lengmangmi kha a hmuh. 10Paul nih hi langhnak a hmuh cangkate in Masidonia lei kal awkah khan kan i tim, zeicahtiah cuka i a ummi hna sin i Thawngṭha chim awkah khan Pathian nih a kan auh tiah kan ruah.
Kan babal rel mi chungah luhcolh ko hna usih law, Nan theihcio bantuk in Timote, Paul le Silas cu Thawngtha chim dingin khual an tlawng I an I timhnak hmun phanh hlan deuh te Troas khua an phanh ah Asia ram chungah Thiangthlarau nih thawngtha chim a set hna lo.Cun Paul nih langh nak a hmuh I Masidonia leiah hin ra law ra kan bawm,” tiah a ti lengmangmi kha a hmuh. Bawipa thlaurau au aw si ti in cu ka hmun lei ahcun an kal I thawngtha cu an chim. Macedonia ramchung um Filipi khua “Lidia” cu a lung ai thleng. Lamkaltu 16:11-15.
Dawtmi u lenau hna nifatin kan nunnak chungah khual kan tlawngpeng ve I minung nih timhtuah nak le tinhmi hi kan ngei cio tawn sihmenhsehlaw Pathianthlarau nih zei dah a kan duhpiak mi a si ti hi ruah I zohchih hi kan hau, cu cu kan theih khawh cun kan kan I timh mi le kan tuan nak ah hlawh a tling ve ko lai.
Cucaah nang lei kei kan sining hna hi tha te in zoh usih, Kan chuahka te in khrihfa in chungkhar kan si I zumtu ai ti ve mi kan si kan baibal chungah i Ephisa 2:22 ahcun Thiangthlaurauin um hnawhmi inn ah sermi nan si cang ti ah ti mi kan si. Cucaah zumtu pawl cu Pathian thlarau kha a ngeihchiat ter hlah uh EFisa 4:29-30 ah kan hmuh. Nang le kei zawnghi zumtu kan si Thiangthlarau nih um hnawhmi inn kan si ve caah a ngeih chiat tertu si ve lo hi a biapi tuk mi cu a si. Nawl a ngai lo mi fanu fapa kan si sual ahcun ttih a nung tuk mi a si. Nawlngai lo mi le a ngaimi hna an sining cu: Phungthluk bia 29:1-7 1Atu le atu chimhhrin a si ko nain a lung a ṭhawng rih komi cu, Damh khawh ti loin chikkhatte ah a kiak lai. 2Miding mi hna cu nawl ngeimi an si tikah mi cu an i lawm, Sihmanhsehlaw miṭhalo hna kha uktu an si tikah mi cu an hrum tawn. 3Fimnak a duhmi nih a pa cu a lawmhter, Sihmanhsehlaw hlawhhlangnu a kommi nih cun a chaw kha a hlohlak tawn. 4Dinnak thawngin siangpahrang nih ram cu a fehter, Sihmanhsehlaw hneknak in tangka hmuhnak kha a ruah tikah a ram cu a rawk tawn. 5A innpa a fakmi cu a ke caah sur rap a chiahpiak a si. 6Miṭhalo cu amah sualnak nih khan a foih, Sihmanhsehlaw miding cu an i lawm i an luat. 7Miṭha nih cun, sifakmi hna nih zeidah an covo si awk a si ti kha a hngalh, Sihmanhsehlaw miṭhalo nih cun cu bantuk zawnruahnak cu a hngal lo”.Cucaah Pathian nawl ngai I Bawipa aw a ngai si hi I zuam ve hna usih! Cubantuk mi nung hna cu Bawipa nih Salttha a ti i Angai lo mi cu hau lengah hlawnh uh a ti. Luke !9:11-27. Cun luke 19:8 ah 8Zakia cu a dir i Bawipa cu, “Bawipa, ngaihmanh, misifak caah ka ngeihmi thil hnarcheu ka pek lai; cun ka hlenmi hna an um ahcun a let li in ka cham hna lai,” tiah a si.A hme 11-27
Cun ahme 28-40 chungah cun Jesuh cu Jerusalem ah sunglawi ngai in a luh lio ah khan minung pa hnih hmai ah a thlah hna, Hme 41-44 ahcun Jeusuh nih Jerusalem khua pi cu a tah. Sual nak / nuamh nak phuaza kip in an khat I Pathian bia kha zei rel lo nak in an khah caah a si.Nang mah kei hi teh a hmanmi hmai ah a thlah mi hna maw kan si ve lai? a Ttah mi khuapi chung ah a um mi dah na si ve lai?
Dawtmi u le nauhna a cunglei ah kan hmuh bantuk in khuazei ka ram kan um hmenh ah bawipa ttihmi le Pathan aw a ngai mi fanu fapa si I zuamzungzal ko hna usih. Sual nak lam ah a kal mi kan si sual ahcun hau lengah hlawnh uh a ti mi chungah kan I tel ve sual ko lai. Cun Kan nun nak ahhin Macedonia lei au aw hi pa hnih in a ra peng ve mi zong hi theih peng kan hau, Lai ram in hmundang ka dang ah na um lio cang te zongah thinlung chungin aau aw a rapeng ve mi cu n a semnak lungrawn khua lei in kan bawm uh ti mi au aw a um zungzal ko lai. Paul te khacu an mah an pum in an rak kal nain tu ah nang cu na thinlug le chawva na ruah nak le na thazang kha kalter a herh. Cun bawipa ram thar rian ttuan nak chungzawngah na ti khawhchungin thlacam le thil pek he kal/tel ve kan herh. Kan umnak ram/hmunhma nih an ttuan mi riantha tuan nak poh ah kan I tel ve zong a herh mi a si fawn.
Dongh nak ah chim ka duhmi cu zumtu kannun ak ah hin thil tha le thiltha lo hi a um zungzal, cun kan duhmi le kan herh mi thil ti in an um zungzal. Cu ban tuk lio can ah hin bawipa sin ah thlacam in bawipa aw ngaimi si hna usih law, bawipa bia a zulmi le a ttih mi s ihram ve hna usih! Kan nun chung can tawi te chung ca lawng ah a nungmi si lo lo thih hnu zungzal nun nak lam ca zong kha cuanh chih in nun khawh I zuam hram hna u sih .
Kan zapi caah a tha bik in bawipa nih thluachuah kan pek piak ko she! Amen
Biak Uk Thawng pa