Na Hmukho Maw Kan Dawt Nak Hi

Zoh Hmenh Na Hmukho Maw Kan Dawt Nak Hi!

Lailungrawn i um mi pangeilo nufa hna kong an rak phaitawn mi tuanbianih tintling cung i ka zau zawn ah lung ka hlau theo tawn ko mu.. Khuate pakhat ah um vemi Ngaktah khua awng tong lo ti mi nu fa hna hi an um. An pa nih tuah a roh tak hna. Pa te cu a hungtlang val pah ve cang ( a min Van Van), a mah hi mipumruattha mui dawh ngai mi a si. Voi khat cu ngaknu a leng ve ai, An khuachung ah ai za bik an ti ve mi an minthami amin ah( LyLy), cu a vun helh ve i an vun i duh colh ko ai, Van Van cu ai nuam ngai cang, tthih umh nak ding khua an van khan ah le mirum fanu cu fawi te in a si kho ti lo ai, inn lei an sining nih kan phu lo ti kha ai fiang tuk ve ko mu, (Harsat bu in cun dawtmi he co lai nak zong khua ruah a har pah ko hi). Zei ti awk a tha ti lo LyLy nan mah he co lai nak ding ahcun kan inn lo ah zei a um hrim ri lo Kuli tu ka van tuan hma salai, cun thihumh nak cu kan tuah ah a tha lai ti ah hmaikhap lo nawn te in an vun chim( a chimpah ah hin a mitthli ai hei pah ko lai). Ly Ly cu mi fim si ve kaw mu, tta van na chim mi hi ka theih thiam tuk ve ko e, vung kal phot ko ne law thawngpang hna kan i thanh leng mang lai i cungzing nih khuakhang hram te ko seh mu ti ah khuaruatnawn butein a vun ti ve.

A thaizing ah Kuli tuan ding ah ai thawh colh:

Dawtmi co lai nak ding ah kuli tuan ding in mizoram lei kal cu a vun i thawh ve ko, pa sal dawtmi co nak ding ah zei nih kham kho hlah a van ti i sunghno a nu nih chun caw te a vun funh i khuachuah hauka lei ahcun a vun kal thliahmah ko, Dawtmi lyly zong cu um kho ve ti lo i a dawtmi VanVan cu a bek te a vun chan i artlang nawn te in an kal ti an vui i thlah pah cang ia, duh bak ve mi hna tthen lai nak ding a vunphanh in cun an i sianghrimhrim lo! Ngaknu Tlangval ai duh mihna cu zan khat te van i hmuh lo hmenh ah celh a si lo. Cu tik i cansau nawn te van i tthen ding cu ruah ah a har tuk ko lai mu.. Khuachuah lung dawnh an vun phan an kuat theihmi te cu thlah can a hun phan cang cu ni cu an caah chunmui a tlun ni ah ai cang, Lampawng thinghna vial te hna cung i zingdamti hna cu ninih a vun cerh hna i tleudildel te in an um,cu cung ah va te le pelep,khuaivah hna nih an tlangmi le va te aw cu an vun hmuh hna liam siar a har tuk um awk an hngal ti lo. Hlaphua tu nih “Zingdapcung in maw LyLy par dawh te Palep le khua vah nih an tlanh pangkhin tlanh awk tha ve law cu mu” ti mihla te kha a vun i sak, an mit thli cu an biangcung ah hnawh cawk lo in a hung luang thliahmah ko. Thensia herh but e in an kut thlah mi te cu duh sah te in an vun i thlah i nulei mer ngamh ti lo in an tian, LyLy cu um har lileng in a um ve i tuanzan thlung kho lo, zei tuah zong a huam kho ve lo, Ih nak khan chung ah ai erh colh ve ko, chun ni tlak te in hla a sak ve mi cu “nilin lamcho sang na kal zawn ah dawthniang kal nak a dul hnga maw? Ti mi lawng cu a sa ve hoi, dawtmi he then hi cu tuar a har hrim ko e,,,,

Dawmi co nak dingah tiin riantuan cu ai thawh I Lam cawh nak hmun a phan:

Dawtmi co nak ding ruahchih in rian ttuan cu a tha a tlung ngaingai cang, rian ttuan ah ttan a la tuk cang semsi khak te in khua sa, Dawi mi LyLy co nak ding ah tlingzokzok seh ti lawng kha a duh cang hoi, tluntuan nak ding lawng a ruat i rian ttuan ah ai hne tuk, a kut zong nih a celhlo tiangin ai hne a durh dih i a kut hmenh hi tthittha in a hum kho ti lo nain sekoseh dawtmi co lai nak ding ah cun ti in thazang ai pe chinchin ko ai a pasal bak ko mu. Zanfa tin ah a hla sakmi cu “dawtmi he colai nak ding ni le thla lawng ka rel tawn zoram in” ti mi hla kha si cang. A har bak ko ka celh bak ve lo e…

Khualei um mi LyLy cu um aw te a hngal ve lo:

Van Van Khual a tlawng ti cu kawi Duh (DuhKian lo) nih rak thei ve kaw vanthat ti in chunzan incun LyLy cu rak helh ve ai! LyLy caah cun khuaci a mui cang, duh mi poh a kian ve lo mi pa duhtlawng cu si kaw, mirum fapa duhpoh in chawva zong hmang kho ve mi a si tikah eidin phunphun le phaisa he cun ttang cang kaw LyLy cu a rak helh len ve cang LyLy cu miza si ve kaw a nu le pa nih khan le kawi Duh cu than a pek tuk ve , na co khawh nak ding ahcun kan ngeihmi poh hi hmang ko ti ah an fapa kawi Duh cu van ti chinchap hna. (Ruah ah thin a hang ko mu..). Dawt mi dang ka ngei cang e ti ah LyLy nih cun ai vun i ti sek ve ko nain a cansau nawn a vun rauh ahcun, nuhlehlawng thingtum helh lawng ti cu sikaw a van duh pah ve cang ko ai, a hnu ahcun Ka Nu le ka pa nawl a si ko a vun tiphut ve ko ee..(ka ruah a lo lo). Hi zan cu Van Van cu a mang a chai tuk ko lai mu. Kawi Duh nih cun a ce tu zancu ka van a ttha cang a ti i a nu le pa kha a vungchimh hna LyLy Nu le pa sin ahcun lamkal an hei thlahcolh hna, LyLy nu le pa nih cun VanVan Cu ngaktah fa a si zei ti hmenh in a si kho lai lo, kan fanu a pam tuk lai, Kawi Duh tu hi va ko seh law ai nuam deuh lai ti in khua cu van khang colh hna, (sifak le ngakttah fa hi cu a fawi ve hrim lo mu). Cu zan cu LyLy cu ai hngilh kho ti lo a dawtmi he co lai nak ding ah zoram ah a hram mi a tta vanvan kong a ruah ah a lung a tha kho ve hrim lo , nain nu lepa bia el le a duh fawn ve lo mitthli he tlinkhan cung ah ai zel ve cang. Cu ni thok cun LyLy cu lengchuah zong an senh ti lo i a ih nak khan chung an hernh khumh cang.

Khua Chung Thawngpang cu VanVan nu nih cun van thei ve cang kaw:

A Nu nih cun mah ti hin cakuat cu van ttial colh ve ai, Kafa dawtmi VanVan aw… Na Dawtmi LyLy co lai nak ding ah rethei na tuar nak hmun in rak kir cang ko law, Na Dawt LyLy nih val dang ttang an pum tak cang e ti in mit thli tlabu in vairang cakuat cu hei ttial ve mu. A rianttuan nak hmun in a vuntin ah a riah nak buk te ahcun ngeih ngai in a vun zuan hnawh i cakuat te cu a thli te in a vun rel, Dawt mi LyLy ngeih nak ca pei a si lai ti ah ngaih ngai in a vun rel cu,,Sunghno anu nih ttahbu in a vunttial mi cacu si kaw um awk te a thei ti lo. Cu zan ngelcel te cu thlapa laizan te si khaw hngilh kho lo in zaihla in hlawi ai, maw LyLy a sian lo nak. Guter te cu a vun i lak zau i thlapa zoh bute in hla cu a vun sa, ai thawh zing kha a mit thlam ah a hung cuang. A hla cu ka dawt te kha mu ngei nak tuan bia chim len ve ko hnga mu, run langta ve ko law, kei ka lawmh nak a tling ko hnga, farhniang ka dawt ti zong ah au len zong ah zei thei kho ti lo, …. Zanthlapa te aw mahti hin dawt mi kha vun chim law nan dawt tta hniang cu nangzun in a zaw ti in..” a hla a dong kho ti lo a chak um mi thing kung le ram hnah zong nih an tuar pi tuk ve lai mu. A peh tthan rihmi hlate cu, ai thawh zing i mitthlam a cung i zingdapcung in maw lyly par dawh te.. pelep le khuavah nih an tlanh ban in tlanh awk tha law cu mu kai zal ve hnga dawt aw… “Cung lei vaiser thim le la an zulh bang in thensian lo in kan zulh nain a fek lo mi lamot maw na si.” Kha ai thawh cang. Zan khua dei te zaihla cu a sa i khua deih ko. A lung cu rawk tuk ve kaw, a dairy te cu a van kau i mahti hin ca a ttial colh ve.
“Na lung chungah ca bangin ka khenh ko ai law Val dang pom ser loin keimah lawng ka pom ai ko. Dawtnak cu ee thihnak tluk ṭhawng ve, Nahchuahnak nih thli bang a hrang tuk ai! Dawtnak nih cun mei bangin hlio kaw meizik nakin ṭhawng deuh ai. Dawtnak mei cu tidai rial nih hmit kho ri lo, Run tilian zong nih phum kho lai lo. Dawtnak can ah zeizong phun kip le, rothil hmanh hei kam seh law, A khi hna cu zei ah hen, ka hei rel hna hnga”. Zoh hmenh Dawtmi he co lai nak dingah tluangchin a tlawngmi VanVan i kan Dawt nak hina hmu kho maw? ti ah a van ttial.

Khuadei fingrei cu a hungcat i a thilte cu a vun i timh depmap i semnak khua lei tlun cu a vun i thawh colh. Khuachung ah cun LyLy le kawi duh thitumh nak ding puai kong lawngte cu chim le ceih a si cang ai, cu lio teahcun VanVan cu a hungtlung ve van chat ah Lam chak in mifir(damiah) nih an vunzuan hnawh ko ai e.. a hmuhmi phaisa te cu an chuh i a mah cu an vuak i dukdih le thi potdih cikcek in an velh hmu ah a thaw a dai cang ti in an kal tak. Cu lio te ahcun hngachia va pel mi nih VanVan cu an van hmuh a ran nak in khuachung ah an va tli i a sunghno a nu zeitik dah ka fadawt an phanh lai ti in mithram fak in hauka lei lawng a cuan mi a nu cu an vun chimh, a celh hrim ve lo semnak sunghno a nu nih tuar ai harh khun ve, Ngaktah le Buangro si ruang ah maw mah tluk in ka fa na tuar ti in a van zunmuai len, zei ti awk a ttha ti lo i zei aw hmenh nih annka cu a let kho ti lo, Khuachung ah khuaci a mui. Cu Thawngpang te cu Dawtmi LyLy nih cun a ih nakkhan cung in cun van thei ve kaw inka hernh khumh nak hmun cun a celh ve hrim lo Thlalang awng in a vungzuang a rakdawtve mi a tta VanVan(Van Duai Cem) ruak te cu a vun i pom i a ttap thluahmah ve, a bek chungteah zei dah a um hnga ti in a van kawl, zei dang cu misual nih chut dih hna kaw, Dairy te lawng a um a vun kau i a hmun mi cu, a tlunlai zan i mitthlithlabu tein a ttial ta mi ca te kha a vun rel “Na lung chungah ca bangin ka khenh ko ai law Val dang pom ser loin keimah lawng ka pom ai ko. Dawtnak cu ee thihnak tluk ṭhawng ve, Nahchuahnak nih thli bang a hrang tuk ai! Dawtnak nih cun mei bangin hlio kaw meizik nakin ṭhawng deuh ai. Dawtnak mei cu tidai rial nih hmit kho ri lo, Run tilian zong nih phum kho lai lo. Dawtnak can ah zeizong phun kip le, rothil hmanh hei kam seh law, A khi hna cu zei ah hen, ka hei rel hna hnga”. Zoh hmenh Dawtmi he co lai nak ah tluangchin a tlawngmi VanVan I kan Dawt nak h na hmu kho maw?i… tite kha vun rel dih a celh bak ve lo a tak pum a van zoh a rianttuan nak i a kut a durhmi le a hma pe a hmuh ah tuar ai harh tuk, mihmai a si ti zong ah a ruat kho ve ti lo, dawtmi VanVan ka caah nunnak pek in a liam mi nang mah cu kirthan thiam ti lo hmenh law, sunghno na nu cu kei mah he thih tiang ttuan kan rakrel tti ko lai mu, na liam sia herh hlah aw.. ti in ttahbu in VanVan(Van Duai Cem) a nu cu ai kuh an inn lei ah an ttin, .(An chim tawn mi ka theih bal ve mite ka van chartthan).
Biadongh nak

Solomon hla 8:6-7 “Na lung chungah ca bangin ka khenh ko ai law Val dang pom ser loin keimah lawng ka pom ai ko. Dawtnak cu ee thihnak tluk ṭhawng ve, Nahchuahnak nih thli bang a hrang tuk ai! Dawtnak nih cun mei bangin hlio kaw meizik nakin ṭhawng deuh ai. Dawtnak mei cu tidai rial nih hmit kho ri lo, Run tilian zong nih phum kho lai lo. Dawtnak can ah zeizong phun kip le, rothil hmanh hei kam seh law, A khi hna cu zei ah hen, ka hei rel hna hnga”. Zoh hmenh Dawtmi he co lai nak ah tluangchin a tlawngmi VanVan I kan Dawt nak h na hmu kho maw?i…

*Mah bia hal nak hi dawtmi u le nau hna nitin kan nun nak ah Bawipa zisuh nih an kan hal pengmi biahal nak a si ti hi chim chih ka duh. Misual pa Duh Kian lo (Sehtan) nih nifa kan nun nak chung ah nuamnak a phunphun in an kan lem peng ko kha, Cu lio te ahcun Mah tuan bia hi ruat than hna u sih law, Kan caah a nun nak a liam mi pa Thisen chuak in Vailam ah misual nih an thah i kan cah luat nak lam a ser tu , a kan dawt nak a ngan tuk i a liam in a liam mi a dawt nak kha philh sual hna hlah u sih mu.. Dawt mi Hawi le hna…. Bawipa nih thlua chuah nak kan pek piak ko seh.


Nan hawi ,

Biak Uk Thawng pa